தீரம்

இருவிழிகள் உன் நினைவில்

உருளுதடி பெண்மயிலே,

விருப்பமிலா உறக்கத்தில்

விழி மூடி இமையடைத்தேன்.

வருவாயோ நீயெந்தன்

வழித்துணையாய் காரிருளில்,

உருகாதோ என் மனது

உனைக் கண்ட வேளையிலே

நினைவறியா நிழல்பாதை

நெடுந்தூரப் பயணம்தான்

நிஜமுணர விருப்பமிலா

நெஞ்சோடு பிணக்கம் தான்.

எனைத் தொடர இணையே யுன்

எழில் கால்கள் உண்டென்றால்

எட்டிடுவேன் எத்திசையும்

என்மனதில் தீரம்தான்.