Tuesday, 22 July 2014

கனம்


















அவ்வெழுத்துக்களின் கனம் கூடுதலாயிருந்ததில்
ஒவ்வாத மையின்  நீர்த்த தன்மையால்
அழுத்தம் தாளாமல்
பேனாவின் முனை விரிந்து மலர்ந்திருந்தது

எண்ணத்திற்கும் எழுத்திற்குமான விகிதாச்சாரம்
குறையக் குறைய
ஆவேசத்தின் அந்நொடியில்
முனை ஒடிந்த பேனாவுடனான
போராட்டம் தொடங்கிற்று

சில இடங்களில் பொத்தல்களும்
தடம் மாறிய கோடுகளும்
கோணம் மாறிய எழுத்துக்களுமாய்
பிரசவித்த கவிதையாயினும்
வலி(மை) மிகுந்த எழுத்துக்களாதலால்
சுவைமட்டும் குன்றாமலே இருந்தது

No comments:

Post a Comment