சிதிலமடைந்த வாழ்க்கை

வாழ்க்கைப் பயணத்தின் இடர்பாடுகள்

சில நேரம் செதுக்கப் பட்டதாய்

பல நேரம் சிதிலமடைந்ததாய்

இன்றிருக்கும் சோதனை

நாளையில்லை

உனக்கிருக்கும் வேதனை

எனக்கில்லை

தினம் தினம் இரவின்

தேக்க நிலைகளைத் தாண்டியே

அதிகாலை பார்வை

தூக்கத்தில் கூட

துடிக்கும் இதயத்தை

தூண்டிய படியே இருக்கின்றன

பல நிகழ்வுகள்.

வேடிக்கையோடும்

வேதனையோடும்

வாழ்க்கை பயணம்

வழி நெடுக

சில சுமைகளை இறக்கியும்

சில சுமைகளை ஏற்றியும்

தொடர்ந்த படியே

பயணிக்கின்றது

சிதிலமடைந்த வாழ்க்கை…!