கைக்கிளை காதல்

முன்பிருந்த பூந்தோட்டத்தில்
பூத்துக் குலுங்கியிருந்த மலர் கூட்டத்தில்
அதனோடு இனிமை பேசியிருந்த
செம்பருத்திப் பூவினிதழ் சற்றே வாடியிருந்தது

முன்வாசலை அடுத்து
பரந்திருந்த சாளரத்தை மூட வைக்கப்பட்டிருந்த
கண்ணாடி தடுப்பிற்கு
அம்மலருடன் எத்தனை கதை பேசினாலும்
தீராததாகவே தோன்றியிருந்தது

சட்டென்று துளிர்த்த
சில மழைத்துளிகள்
தன் மீது விழுந்து
நழுவி
கீழே விழ

காதல் மலர்மீது வீழ்ந்த துளிகளோ
இதழ்களில் தங்கி இன்புற்றிருக்க
செம்பருத்தியும் சிலிர்த்து தலையாட்டி
புத்துணர்வு கொண்டதாய்
புன்னகை பூக்க
தன்மேல் அசூயைகாற்று படர்வதாய் உணர்ந்தது

பின் தொடர்ந்து
படபடவெனக் கொட்டியப் பெருமழையில்
வழிந்த துளிகளை விலக்கிய கண்ணாடி
அன்பு மலரை விழித்து நோக்க
செம்பருத்தியோ
சிதறிய இதழ்களை தரையில் பரப்பி

பொழிந்த மழையும்
புன்னகை மலரும்
இறைவன் வரமெனச் சொல்லி
மீண்டும் பிறப்பினும்
கைக்கிளை காதல்
கனவேயென அறிவுருத்தி
வேதனை மொழிந்தது