மழை நாளிலுந்தன் மடிசாய வேண்டும்
மலரொத்த விரலென் தலை கோத வேண்டும்
அழல் பூண்ட கண்கள் குளிர் காயவேண்டும்
அன்பென்னும் தேசம் நமை யாள வேண்டும்
மலையொத்த சுமைகள் மறைந்துதிர வேண்டும்
மனமெங்கும் மகிழ்ச்சி மனுவாக வேண்டும்
நிலைபெற்ற நேசம் நிதம் பெருக வேண்டும்
நினைவுக்குள் நீயே வரமாக வேண்டும்
உயிரோடு பேசும் விழி சேர வேண்டும்
உன் கோபம் அன்பின் விதையாக வேண்டும்
விடிவானத் தென்றல் இசைபாட வேண்டும்
விலகாது நாமும் இணைந்தாட வேண்டும்
No comments:
Post a Comment